رێنمایەیل رەمەزان لە کەرکوک.. بەسانن گشت دوکانەیل "مەی" فرووشی وە تەواوی و زیندانیکردن هەرکەسیگ وە ئاشکەرا خواردن بخوەێد
2024-03-12T07:27:24+00:00
شەفەق نیوز/ قائیمقامیەت پارێزگای کەرکوک، ئمڕوو سێشەممە، دووپاتکرد لەو رێنمایەیلە دەرکریایە و لەماوەی مانگ رەمەزان جیوەجی کرێد، کە بریتیە لە بەسانن گشت دووکانایل مەی فروشی و ریگەداین وە کارکردن چێشتخانەیل خاوەن مووڵەت و جیوەجیکردن رێکار یاسایی ئەرا ئەوکەسەیلە وە ئاشکەرا خواردن بخوەن.
قائیمقام کەرکوک فەلاح خەلیل یایجلی وە ئاژانس شەفەق نیوز وت، "کەرکوک دەسکردیە وە بەسانن گشت دوکانەیل مەی فروشی و بەسانن چێشتخانەیل بیجگە لەوانەگ مووەت پیشەگە دیرن وەلایەن شارەوانی کەرکوک".
وتیش "لە رینمایەیل هاتیە هەرکەسیگ وە ئاشکەرا خواردن زیندانیبکرێد، ئۆپراسیۆنەگە وەلایەن پۆلیس ناوخوەیی و دەزگا ئەمنیەیل جیوەجی کرێد، چوینکە خواردن خواردن وە ئاشکەرا بخوەد سزا درێد".
وتیش "رێکارەیل ترەک وەرگردیمنە لە چەودێریکردن نرخ بەرهەمە خوڵراکیەیل، هەمیش نرخ گووشت سوور کە دیاریکریایە،؟هەر کەسیگ سەرپیچی بکەێد رویوەروی سزادان بوود کە تا زیندانیکردن رەسێد".
