ئیران وه هیوای دروسکردن یەکەمین ناوچەی بازرگانی ئازاد هاوبەشە وەگەرد عراق
2023-07-21T12:35:38+00:00
شەفەق نیوز/ حوجەتوڵا عەبدولمەلەکی قسەکەر سەرۆک کۆمار و ئەمیندار ئەنجومەن باڵای ناوچەیل ئازاد لە کۆمار ئسلامی ئیران راگەیان، زەمینەیگ دابینکردنە ئەرا دروسکردن یەکەمین ناوچەی بازرگانی ئازاد و هاوبەش لەناوەین ئیران و عراق.
عەبدولمەلکی لە بەیانیگ ئەرا ئاژانس فەرمی "ئرنا" ئیرانی وتیە؛ لەی ماوەی دویاییە، سەرۆک ئەنجومەن وەزیرەیل عراق محەمەد شیاع سودانی خاڵیگ لەلایەگەیتر سنوور مهران لە پارێزگای واست ناسە ژیرچەو ئەرا دروسکردن ناوچەی بازرگانی ئازاد لەناوەین هەردگ وڵات، لە ئیسە دەسکریاس وە لێکۆڵینەوە لەلی.
وتیش، هیوایگ دیرێد ئەرا هاتنە ناو یەکەمین ناوچەی بازرگانی هاوبەش لەناوەین ئیران و عراق بڕەسێدە کارکردن لەلی، و لە مانگەیل کۆتایی ئمساڵ دابمەزریەد.
