ئیران پلان دانەێد ئەرا هەناردەکردن کاڵا وە بڕ 3 ملیار دۆلار ئەرا عراق لەرێ دەروازەی مێهران
2024-05-08T08:40:07+00:00
شەفەق نیوز/ سەرۆک گومرک پارێزگای ئیلام، سوهراب کەمەری، ئموو چوارشەممە، راگەیان، پلان دانانە ئەرا هەناردەکردن کاڵا وە بڕ 3 ملیار دۆلار ئەراعراق لەرێ دەروازەی سنووری مهران لە ماوەی ئمساڵ.
ئاژانس نیمچە فەرمی ئیران "ٚمهر" لەزوانی کەمەری راگەیان،"سنوور ناودەوڵەتی مێهران پلەی نۆیەم دیرێد لەناوەین 38 ناوچەی گومرکی و ئابووری تایوەت و ناوچەیگ بازرگانی ئازادە لە وڵاتەگە".
ئاشکەرایکرد "لە ساڵ وەرین، وە بڕ 177 ملیۆن و 119 هەزار دۆلار کاڵا هەناردە کریاس لە رێ دەروازەی مێهرانەو ئەرا عراق، مەزەنەکرێد ئێ بڕە بەرەوبوود ئەرا 3 ملیار دۆلار لە ماوەی ئمساڵ".
وتیش: "700 بارهەڵگر کااڵا رووژانە لەی سنوورە رەدبوون" و " فرەیگ لە کاڵاگان سەوزەو میوەن وەگەرد بەرهەمەیل پلاستیکی و ئامێرەل سەرد و گەرمەوکەر و بەرهەمەیل وێستگەی کارەبا و مادەیل بیناکردن و کەرەستەل ئاسنین".
