دەسگیرکردن گەنجیگ لەداڵگبوی ٢٠٠١ خوەی کردیەسە ئەفسەر لە بەغداد
2022-06-01T08:41:48+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە دەسگیرکردن گەنجیگ لەداڵگبوی ٢٠٠١ خوەی کردیەسە ئەفسەر لە بەغداد.
سەرچەوەگە ئەرا ئاژانس شەفەق نیوز وت: دەوریەیل پۆلیس توەنستن کابرایگ لەداڵگبوی ساڵ ٢٠٠١ وە دڵنگ سەربازی دەسگیر بکەن، ک خوەی کردیەسە ئەفسەریگ وەپلەی مولازەم یەکەم لە وەزارەت ناوخۆ لەناوچەی زەعفەرانیەی بەغداد.
سەرچەوەگە وتیش: ئەو گەنجە دەسگیر کریا، ودریا دەس لایەنەیل یاسایی.
