دەسگیرکردن سێ کەس خوەیان کردنەسە ئەمن
2021-08-05T10:39:51+00:00
شەفەق نیوز/ سەرچەوەیگ ئەمنی وەرپرس، ئمڕوو پەنجشەممە، خەوەردا لە دەسگیرکردن سێ کەس لە پارێزگای نەجەف خوەیان کردنەسە ئەمن و ژنیگ خەڵەتانننە و پویلی بردنە.
سەرچەوەگە ئەرا ئاژانس شەفەق نیوز وت: وەڕێۆبەرایەتی باوەتەیل ناوخۆ و ئاسایش لە پارێزگای نەجەف، سێ کەس دەسگیر کرد خوەیان کردنەسە ئەندام لە دەزگایل هێزەیڵ ئاسایش ناوخۆیی.
سەرچەوەگە دیاری کرد ک ئی کەسەیلە چز خەڵکەگە دەن و پویلیان بەن ، و پویل لە ژنیگ بردنە وەرانوەر مەرەقەزکردن و دەسکاری قاقەزەیل لێکۆڵینەوەی باوکی ک زیندانی کریاگە.
