دەسگیرکردن توومەتباریگ لە میسان دەسدرویژی وەبان ژنیگ وە تەمەن و مناڵیگ کردیە و بیانییگیش رفانیە
2024-08-26T08:09:21+00:00
شەفەق نیوز/ عەمید موقداد میری قسەکەر وەزارەت ناوخوەی و شانەی راگەیانن ئەمنی، ئمڕوو دووشەممە، راگەیان، فەرماندەیی پۆلیس فیدڕاڵی پارێزگای میسان توەنستیە توومەتباریگ دەسگیربکەێد کە زنجیرە تاوانیگ ئەنجامدایە، لەناویانیش رفانن ژنیگ نزیکەی 73 ساڵە، وە دەسوشانن و دەسدرویژی وەبانیکردیە، مۆبایلی دزیە و وەگەرد بڕە پویلیگ.
میری لە بەیانیگ رەسیە ئاژانس شەفەق نیوز راگەیان، لە لێکۆڵینەوە وەگەرد توومەتبار دان دانایە ئەنجامدان تاوانەیل ترەکیش، لەناویان رفانن مناڵیگ 10 ساڵان کە تەقەلای دەسدرویژیکردن وەبانی دایە، وەگەرد رفانن ژنیگ بیانی کە سەردان عراق کردبوی.
ئۆپراسیۆن دەسگیرکردن توومەتبار لەدویای وەرگردن رەزامەنی پێویست دادگا هات وەرد داد توومارکردن لە رویداو رفاانن ژنیگ وە تەمەن، لەدویای هویردەوبوین داتایەسل دەرچگە توومەتبار وەپای بڕگە مادەی 421 لە یاسای سزادان وە توومەت رفانن داواکریاگە، فایل تاوان دزەیل جویراوجویر دیرێد، رێکارەل یاسایی پێویست وەرانوەری کریاس، وەپای قسەی میری..
