دەسگیرکردن بویچگترین خانم بازرگان هوشبەر لە بەغداد
2022-05-15T10:30:51+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە دەسگیرکردن بویچگترین خانم بازرگان هوشبەر وەگەرد کابرایگ لە بەغداد پایتەخت.
سەرچەوەگە ئەرا ئاژانس شەفەق نیوز وت: هیزیگ ئەمنی کابرایگ لەداڵگبوی ١٩٩٩ دەسگیر کرد ک پڕۆپاگەندەی هوشبەرەیل کەێد، و دویەتیگ وەگەردی لەداڵگبوی ٢٠٠٥ وە تاوانەگە دەسگیر کریان، ئەوەیش لەنزیک مزگەفت فورقان لەناوچەی سڵێخ لە بەغداد،
و دەسنریا بان ٢١٥ گرام مادەیگ لەشیوەی کریستال و لویلەیگ شویشەیی ئەرا وەکارهاوردنی لەلایان بوی.
و دیاری کرد ک ئەو دویەتە دەسگیرکریایە بویچگترین خانمە بازرگان هوشبەرە لە عراق، و وە تاوان ئاشکرا دەسگیر کریا، مەوقەیگ هوشبەری دەێد و پویلەگەی وەرگرێد.
