دەسەڵات دادوەری عراق سزای زیندانی هەتاهەتایی لەبان “ئوم اللول” دەرکەێد
2024-05-29T11:40:40+00:00
شەفەق نیوز/ سەرچەوەیگ دادوەری، ئمڕوو چوارشەممە، راگەیان کە دادگای تاوانەیل رەسافەی بەغداد سزای زیندانی هەتاهەتایی لەبان ژنیگ ناودار لە سۆشیال میدیا وە ناو “هەدیل خالد عەبد رەشید” دەرکرد، کە نازناوی “ئوم اللول”ە، دویای ئەوەگ وە تۆمەت بازرگانیکردن وە ماددە هووشبەرەیل ناودەوڵەتی سزای لەبانی چەسپیا.
مانگ نیسان ساڵ گوزەشتە، دەسەڵات دادوەری عراق وە پشتبەسین وە بڕگەیل ماددەی (403) لە یاسای سزادان شمارە 111ی ساڵ 1969 وە تاوان دروسکردن و بڵاوکردن چەن وینە و (ڤیدیۆ) کە قسەی گەن و ناشایستە و دژوە ئەخلاقی گشتی لەبان ئوم الاول دەرکرد.
هەر لەو مانگە وەزارەت ناوخۆی عراق راسیەیل ئاشکرا کرد لەباوەت ئەوە کە چالاکوانەیل بڵاوکردنە بڵاوی کردنە کە پاسپۆرتی دیپلۆماسی دریاسە ژنیگ ناودار کە وە “ئوم اللول” ناسریاس.
عەمید موقداد میری، قسەکەر وەزارەت ناوخۆ و شانەی ڕاگەیانن ئەمنی، لەو وەختە لە بەیاننامەیگ وت: وەڕێوەبەرایەتی بار شارستانی و پاسپۆرت و ئیقامە هویچ پاسپۆرت و خزمەتگوزارییگ دیپلۆماسی و تایبەتی نەیاس وەو ژنە وە ناو ئوم اللول، و هویچ نامەیگ لە وەزارەت دەیشت عراقەو لەو باوەتە نەڕەسیە.
