دەسناین وەبان دوو درۆن لە بەغداد
2023-04-18T09:01:16+00:00
شەفەق نیوز/ فەرماندەیی ئۆپراسیۆنەیل بەغداد، ئمڕوو سێشەممە، دەسناین وەبان دوو فڕۆکەی بیفڕۆکەوان (درۆن) راگەیان، و باس دەسگیرکردن ٢٤ توومەتبار وە توومەتەیل جیاجیا لە بەغداد پایتەخت کرد.
فەرماندەییەگە لە بەیاننامەیگ رەسیە ئاژانس شەفەق نیوز وت: مەفرەزەیل هاوبەش توەنستن ٢٤ توومەتبار وە توومەتەیل جیاجیا دەسگیر بکەن، ک باندیگ بازرگانی وە هووشبەری ک دوو کەس بڕیگ لە مادەی کریستال وەپیان بویە، و دوو توومەتبار وە چەک و عەتاد بی مووڵەت.
وتیش؛ بڕیگ لە مادەی کریستال لەلای بەشیگیان گریا، وەگەرد دەسناین وەبان ١٤ دەوانچە و ٣ تفەنگ، و دەسناین وەبان دوو درۆن لی مووڵەت، و هەمیش دەسنریا بان شمارەیگ ماشین.
وتیش؛ توومەتبارەیل وەگەرد مادەیل هووشبەری دریانە دەس لایەنەیل پەیوەندیدار.
