دیدار لویتکەی سێیانی ناوبەین سودانی و شاه ئوردن و سەرۆک میسر
2022-12-20T13:32:03+00:00
شەفەق نیوز/ لە ناوەند شاە حسێن لە دەریای مردگ، ئمڕوو سێشەممە، دیداریگ سێیانی ئەنجام دریا، هەرلە محمد شیاع سودانی سەرۆک وەزیرەیل عراق، و عەبدولڵای دویەم شاه ئوردن، و عەبددولفەتاح سیسی سەرۆک وڵات میسر گردەو، ئەوەیش لە پەراویز ئامادەبوینیان لە کۆنگرەی دویەم بەغداد ک ئەرا هاوکاری و هاوبەشی، ک ئوردن میوانیی کەێد.
نویسینگەی راگەیانن سودانی وت: لە دیدارەگە باس شیوەیل هاوکاری و تەواوبوبن و بتەوکردن هاوبەشی ناوبەین وڵاتەیل برا ، عراق و ئوردن و میسر کریا، و شیوەیل گورجکردن هاوکاری ئابووری لە جویراجویر چینەیل.
لە دیدارەگە دووپات لە گرنگی گریەداین بینا ژیرینەیل وەرد دەوڵەتەیل هاوسا، و قایمکردن بەرهەمهاوردن ناوبەینیان کریا، وەوشیوە ک پاڵپشتی لە توانای هاوماڵیکردن لە بازاڕەیل جەهانی بکەێد.
سودانی وە یاوەری شاندیگ حکومەتی پایەبەرز بەشداری لە کۆنگرەی دویەم بەغداد ئەرا هاوکاری و هاوبەشی کەێد ک وڵات ئوردن میوانیی کەێد.
