دیالە.. ماموسایگ لەوەر پرۆژەیگ سرنەکەفتی کۆتایی وە ژیان خوەی تیارێد
شەفەق نیوز/ سرچەوەیگ ئەمنی لە دیالە، ئمڕوو پەنجشەممە، خەوەردا ماموسایگ لەری هەڵواسین خوەی کۆتایی وە ژیان خوەی هاورد لەوەر گیچەڵ دەروینی و کۆمەڵایەتی.
سەرچەوەگە وە ئاژانس شەفەق وت "کەسیگ وەناو (س. ع) لەداڵگبوی 1991 کە پیشەی ماموسایە لە ناحیەی جەدیدە شەت باکوور خوەرئاوای دیالە، خوەی کوشتیە لەری هەڵواسین خوەی لەناو ئەو ماڵەی کە ماوەی مانگیگە وەکرای گردیە و وەتەنیا لەناوی زندگی کەێد، وەپای قسەی براگەی".
وتیش "برای قوربانیەگە ئاشکەراکردیە ئەو کەسەی خوەی کوشتیە وە گشت پویلەگەی بشداری لە پرۆژەیگ کردیە و گشت پویلەگەی زەردکردیە" دیاریکرد "ئەو کەسە دوو جار ژن خوازیە و لەلیان جیاوە بویە خاوەن مناڵیگ چوار ساڵانە و هویچ گیچەڵیگ وگەرد خێزانەگەی و خێزان ژنەیلی نەداشتیە وەپای قسەی براگەی".
وتیش "هێزە ئەمنیەیل تەرمەگەی ئەرا پزیشک دادوەری کلکردنە تا رێکار یاسایی تەواوبکەن و لێکڵینەوە لە رویداوەگە وازکریاس".
