دیالە.. رویداویگ کۆتای وە ژیان ژن و پیاویگ تیارێد و خوەی کوشتن دویەتیگ و پەیاکردن مناڵیگ شیرەخوەر
2024-08-05T08:11:38+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە مردن ژن و پیاویگ و زەخمداریبوین دویەتەگەیان وە رویداویگ هاتوچو لە پارێزگای دیالە، و خوەیکوشتن دویەتیگ و پەیاکردن کورپەیگ شیرەخوەرە فڕدریاگ لەکنار ریەگە.
سەرچەوەگە ئەرا ئاژانس شەفەق نیوز دیاریکرد، "پیاویگ و ژنەگەی مردنە و دویەتەگەیان زەخمداربویە لە ئەنجام لەیەکەوداین ماشینیانوەگەرد یەکیگتر لەئەنجام راندەی ماشینەگەی ترەکیش زەخمداربویە لەبان ری جەلەولا ــ خانەقین نزیک ئاوای مەرجانە".
وتیش "دویەت گەجێگ لەداڵگبوی 2007 خوەیکوشتیە لەری شالیگ هەڵواسیاگ لەقێ قەواسەی ماڵیان لە قەزای خاڵس باکوور دیالە" وتیش "تەرمەگەی ئەرا پزیشک دادوەری کلکریاس و لێکۆڵینەوە لە رویداوەگە وازکریاس".
دیاریکرد، "منایڵیگ شیرەخوەرە پەیاکریاس کە لەلای ری بەعقوبە ـ خاڵس نزیک ناوچەی ئەسوەد" فڕە دریاس".
