دویای نێچیروان بارزانی.. سودانی رەسێدە تەهران
2024-07-30T10:54:34+00:00
شەفەق نیوز/ محمد شیاع سودانی سەرۆک وەزیرەیل عراق، وە مکیسیگ فەرمی، ئەرا ئامادەبوین لە رسوومەیل داناین مەسعوود پزیشکیان جویر سەرۆک ئیران، روی وەرەو ئیران کرد.
وەرجەیە، ئمڕوو سێشەممە، نێچیروان بارزانی سەرۆک هەرێم کوردستان، رەسیە تەهران پایتەخت ئیران، ئەرا بەشداربوین لە رسوومەیل داناین سەرۆک ئیران.
سەرۆک نێچیروان بارزانی، وەگەرد سەرکردەیل ئەو دەوڵەتەیل لە رسوومەیل قەسەمخواردن دەستووری سەرۆک نوو ئیران مەسعوود پزیشکیان بەشدرای کەێد.
پزیشکیان، کاندید چاکسازی خواز لە تەبریز، وەزیر تەندروسی وەرین، لە خول دویەم هەڵوژاردن سەرۆکایەتی لە پەنج تەمو، ٥٣.٧ لەسەد لە دەنگەیل وەدەس هاورد، تا بوودە نۆهەم سەرۆک کۆمار ئیسلامی ئیران.
