دویای کەمەوبوین ئاو.. ئیدارەی خانەقین باس پلانیگ ئەرا دابینکردن ئاو خواردن کەێد
شەفەق نیوز/ خەڵک خانەقین، ئمڕوو دووشەممە، داد لە دەس کەمەوبوین تەکان ئاو خواردن وەرەو ناوچەیل کردن، و ئیدارەی قەزاگە باس پلانیگ ئەرا چارەکردن کەم ئاوییەگە کرد.
بڕیگ لە خەڵک شارەگە ئەرا ئاژانس شەفەق نیوز وتن: فرە لە ناوچەیل خانەقین زیان لە کەمی ئاو خواردن وەخوەیان دوینن، لەوەر کەمی تەکانەیل ئاوەگە وەرەو قەزاگە و بەد وەکارهاوردن جوولەیل ئاویاری.
لەلای خوەییش وەڕێۆبەر سامانە ئاوییەکان موئەیەد شاکر ئەرا ئاژانس شەفەق نیوز وت: ئیدارەی قەزاگە شانەی قەیران ئەرا نواگردن هشکی و کەم ئاویەگە دروس کرد.
وتیش؛ چەن چارە و پێشنیاریگ ئەرا نواگردن قەیرانەگە دانایمن، لەلیان كەنین ١٢ تا ١٥ بیر ئیرتوازی ئەرا دابینکردن ئاو ئەرا ١٢١ ویستگەی ئاو پاڵین لە خانەقین، دیارتریان پڕۆژەی ئاو خانەقینە، وەگەرد پاکەوکردن چەم ئەڵوەن تا ئاوەگە زیایەو بوود و کەم لەلی لەوەر گیایل ناو چەمەگە گوما بکریەێد.
و دیاری کرد ک بەنداو ئەڵوەن خوەی تەنیا سەرچەوەیگە ئەرا پاڵاوکردن ئاو و ئاوەگەی رەسێدە ٣٢ مەلیۆن مەتر شەشپاڵو، و ئیسە تەکان ئاوەگەی رەسێدە ٢ مەتر شەشپاڵو لە یەک چرکە.
شاکر نشان دا ک لەبان جوو باڵاجو ک چەم سیروان وە ئەڵوەن بەسێد ٤٧ پێشێلکردن لە سنور ئیدارەی گەرمیان هالە بانی.
