دویای دوو مانگ لە وسیانی.. عراق دووپات کەێد کە سەربازگەیگ هاوپەیمان ناودەوڵەتی لە سوریا کریاسە ئامانج

 یە یەکەم پەلامارە لەبان هیزەیل ئەمریکا و هاوپەیمان نتودەوڵەتی لە سەرەتای مانگ شوباتەو کە باڵە چەکدارەیل نزیک لە ئیران لە عراق پەلاماریان وەبان کارمەنەیل سەربازی ئەمریکی وسانن.

 یەیش دویای  ئەوە تیەێد کە محمد شیاع سودانی سەرۆکوەزیرەیل عراق  سەردانەگەی ئەرا واشنتۆن تەواو کرد و لەو ماوە وەرد جۆ بایدن سەرۆک ئەمریکا گردەو بوی چوینکە بڕیگ لە لایەنەیل دەسکردن وە ئۆپەراسیۆنەکانیان بەسادەو وە ئەنجام سەردانەگەی سودانی.

لە بەیاننامەیگ لە شانەکەو هاتگە، هیزە ئەمنییەیل، لەناو کەرت ئۆپەراسیۆنەیل خوەرئاوای نەینەوا لە نزیک سنوور عراق و سوریا، “دەس وە ئۆپەراسیۆنیگ فراوان  کرد لەبان ئەو توخمە نایاسایەیلە کە ساعەت 21:50 رووژ یەکشەممە، بنکەیگ هاوپەیمان ناودەوڵەتی کردە ئامانج وە شمارەیگ مووشەک لە قویلایی خاک سوریا”.

وتیش« ئەو سەکووە کە مووشەکەیل لەلیەو وەشیانە پەیا کریا و سزانیا، تا ئیسەیش ئۆپەراسیۆن گەردین وەردەوامە ئەرا دەسگیرکردن ئەوانەگ مووشەک وەشاننە.