دوياى بڕيار دريژه‌وكردن.. كه‌عبى داوا له "يۆنامى" ئه‌كا بيلايه‌ن بدێ له عراق
شه‌فه‌ق نيوز/ حه‌سه‌ن كه‌ريم كه‌عبى، جيگر يه‌كه‌م سه‌رۆك ئه‌نجومه‌ن نوێنه‌ره‌يل، داوا له نێرده‌ى ناونه‌ته‌وه‌يى له عراق(يۆنامى)كرد له حاڵه‌ته‌يل سلبى قۆناغ وه‌رين ده‌ربچێد و وه جددى كار له‌بان بيلايه‌نى و باوه‌تى بكا.
كه‌عبى له به‌ياننامه‌يگ ئه‌را ئاژانس شه‌فه‌ق نيوز وه‌بوونه‌ى بڕيار ئه‌نجومه‌ن ئاسايش ناوده‌وڵه‌تى له‌باره‌ى دريژه‌وكردن ماوه‌ى كاركردن نێرده‌ى ناوبرياى له عراق وت: پيشوازى له‌ى بڕيار(2522) ئه‌كه‌يم وه ديريژه‌وكردن كاره‌يل يۆنامى ئه‌را پيشكه‌شكردن ده‌سميه‌ت وه عراق تا 31 ئايار/ مايۆ 2021.
كه‌عبى داوايش له نێرده‌ى ناونه‌ته‌وه‌يى له عراق كرد وه‌گشت جددييگه‌و كار بيلايه‌نى و باوه‌تى و پيشه‌يى بكا له‌بان جيوه‌جيكردن ئه‌نجامه‌يل خاسيگ له‌بان زه‌وى واقع ك وه‌ل قه‌واره‌ى نێرده‌و ئه‌ركه‌يلى بگونجيه‌ێد و رۆڵ راسكانى خوه‌ى بوينێد وه‌گووره‌ى بڕياره‌يل ئه‌نجومه‌ن ئاسايش ناوده‌وڵه‌تى و ريز ته‌واويگ له وڵات و سه‌ركرده‌يلى و يه‌كێتى و سه‌ڵامه‌تى خاكه‌يلى بگرێد.
