دوو مەرافە لەبان دوو ژن و تەقینەوەیگ لەناو وێستگەی سزەمەنی کە نزیکبوی کارەسات لەلی بکەفێد لە بەغدا
سەرچەوەیگ ئەمنی وە ئاژانس شەفەق نیوز خەوەردا، "سێ کەس کە یەکیگیان ئەندامە لە حەشد شەعبی و دویەمیش فەرمانبەرە لە وەزارەت پەروەردە و سێیەم کاسب کاسبکارە، تەقە وە ئاراستەی دوو کەس کردنە لە ناوچەی پیەڵ دیالە، باشوور خوەرهەڵات بەغدا، وە مدوو گیچەڵ هووزانە لەبان ژن.
سەرچەوەگە وتیش، رویداوەگە نەویەسە مدوو کەلەمەداربوین باوجی هێزەیل ئەمنی هەڵکوتانەسە بان ماڵ پەلاماردەرەیل دەسگیریان کردنە.
لە مەرافیگتر سەرچەوەگە دیاریکرد، "دوو کەس جەنگ کردنە وە مدوو وردەورد لەبان ژنیگ رەسیەس ئەرا وەکارهاوردن چەک سووک (دەوانچە) لە ناوچەی حسێنیە باکوور بەغدا، لەئەنجام کەسیگ لەلایەنەیل جەنگەگە زەخمداربویە و ئەوەکەیش دەسگیرکریایە".
سەرچەوەگە وتیش،" شەوەکی ئمڕوو دەنگ تەقینەوە ژنەفیاس لەناوچەی کویچەی نەسڕ، لەدویای وەدویاچگن و لێکۆڵیەوە ئاشکەرابویە لەئەنجام تەقیان ئەماریگ سزەمەنی ماشین کەسیگ بویە لەناو وێستگەی فرووشتن سزەمەنی، فەرمانبەرەیل وێستگەگە دەسوەجی ئاگرەگە کپەوکردن مەترسیەگە لەبان کابینەیلە دویرەو خستنە".
