دزەیلیگ کەسیگ لەناوڕاس بەغداد زەخمدار کەن و ماتووڕسکڵی زەفت کەن
2024-08-27T07:10:48+00:00
شەفەق نیوز/ سەرچەوەیگ ئەمنی لە بەغداد، ئمڕوو سێشەممە، خەوەردا لە زەخمداری کەسیگ مەوقەی تاڵانکردن ماتووڕسکڵی وەلایەن چەکدارەیلیگ ناوڕاس بەغداد پایتەخت.
سەرچەوەگە ئەرا ئاژانس شەفەق نیوز وت: کابرایگ وە کووڵ ماتووڕسکڵیگ تویشی هاتە ٣ کەس چەکدار لە ناوچەی کەڕادە خارح لە بەغدای پایتەخت، و تاڵانی کردن.
سەرچەوەگە وتیش: ئەو کابرا لە تەقەلای بەجەرکردن سێ چەکدارەیل تەقە لەلی کردن و زەخمدار بوی، و چەکدارەیل ماتووڕسکڵەگەی بردن و وایین.
وتیش: هیزەیل ئەمنی زەخمدارەگە ئەرا خەسەخانە بردن، و دەسکردنە مینەکردن چەکدارەیل.
