دزیگ چەکدار لە دویای دزین ماشینیگ خوەی وە بۆمب کوشێد لە باشوور عراق

شەفەق نیوز/ سەرچەوەیگ ئەمنی لە پارێزگای موسەنا باشوور عراق، ئمڕوو دووشەممە، خەوەردا دزیگ لەوەخت دزین ماشینیگ کوشیاگە لە ناوڕاس شار سەماوە ناوەن پارێزگاگە.

لەباوەت هویردەکاری دۆسیەگە، سەرچەوەگە وە ئاژانس شەفەق نیوز خەوەردا، "دزیگ کە چەک دەوانچە وەپی بویە و بۆمبیگ لەنوای کەسیگ دەرکەفتیە کە ماشین رانییە لەژیر هەڕەشەی چەک داوەزیانیەسێ لە ماشین لەناوڕاس شار سەماوە ناوەن پارێزگاگە".

وتیش؛ دزەگە لەدویای دزین ماشینەگە لەشوین رویداوەگە چگە و لەناو ماشینە دزیاگە و دەسوەجی کوشتیەسێ" وتیش "هێزە ئەمنیەیل دەورەی شوین رویداوەگە دانە و تەرمەگە ئەرا پزیشک دادوەری کلکریاس".