داوەزین نرخ دۆلار لە بەغداد
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت وە شیوەی کەمیگ داوەزیا.
پەیامنێر ئاژانس شەفەق نيوز وت: نرخ دۆلار ئەمریکی وەرانوەر دینار عراقی، لە بۆرسەی کیفاح و حارسیە لە بەغداد پایتەخت، شەوەکی ئمڕوو، رەسیە ١٤٨٥٥٠ دینار عراقی وەرانوەر ١٠٠ دۆلار ئەمریکی، و رووژ پەنجشەممەی گوزەشتە رەسیە ١٤٨٦٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٩٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٨٠٠٠ دینار عراقی.
لە هەولێر پایتەخت هەرێم کوردستان، بۆرسەی دۆلار لە رووژەیل پشوو فەرمی کار نیەکەن، باوجی دوکانەیل بازاڕی نرخ دۆلار وە ١٤٨٦٠٠ دینار عراقی وەرانوەر ١٠٠ دۆلار ئەمریکی فرووشتن، و وە ١٤٨٥٠ دینار عراقی سەنن.
