داوەزین نرخ دۆڵار لە بەغدا و هەولێر

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، لە بۆرسەی سەرەکی بەغداد پایتەخت و هەرێم کوردستان  داوەزیا.    

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 147450 دینار عراقی وەرانوەر 100 دۆلار ئەمریکی.  دویکە سێشەممە، نرخ دۆلار رەسیە 147650 دینار عراقی وەرانوەر 100 دۆلار ئەمریکی.    

پەیامنێرمان وتیش؛ نرخ فرووشتن و سەنین لە دوکانەیل بەغداد داوەزین وە خوەی دی، نرخ فرووشتن رەسیە 148000 دینار عراقی وەرانوەر 100 دۆلار ئەمریکی، و نرخ سەنینی رەسیە 14700 دینار.                 

لەهەولێر پایتەخت کوردستانیش نڕخ دۆلار داوەزی، نڕخ فروشتنی رەسیە 147600 عراقی وەراوەر 100 دۆڵار ئەمریکی، و نڕخ سەنینی 147500 عراقی وەرانوەر 100 دۆلار ئەمریکی.