داوەزین نرخ دۆڵار لە بەغدا و هەولێر
2023-04-23T10:17:43+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو دووشەممە، لە بازاڕەیل بەغداد پایتەخت و هەرێم کوردستان داوەزیا.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت لە رووژەیل جەژن بەسیانە باوجی بڕیگ لە دوکانەیل دەرەیلیان واز کردنە ک نرخ دۆلار ئمڕوو شەوەکی رەسیە 144000 دینار عراقی وەرانوەر 100 دۆلار ئەمریکی. دویکە شەممە، نرخ دۆلار رەسیە 142000 دینار عراقی وەرانوەر 100 دۆلار ئەمریکی.
لەهەولێر پایتەخت کوردستانیش بۆرسەیل بەسیا تەنیا چەن دوکانیگ وازە ک نرخ دۆلار داوەزی، نڕخ فروشتنی رەسیە 143000 عراقی وەراوەر 100 دۆڵار ئەمریکی، و نڕخ سەنینی 142000 عراقی وەرانوەر 100 دۆلار ئەمریکی.
