داوەزین نرخ دۆڵار لە بەغدا و بەرزەوبوینی لە هەولێر
2023-01-23T09:16:04+00:00
شەفەق نیوز/ نڕخ دۆڵار ئەمریکی وەرانوەر وە دینار عراقی ،ئمڕوو دوشەممە، لە بۆرسەی سەرەکی بەغدا داوەزی و لە هەرێم کوردستان بەرزەوبوی.
پەیامنێر ئاژانس شەفەق نیوز وت: بۆڕسەی کیفاح و حارسیەی ناوەندی ئمڕوو، 162800 عراقی وەرانوەر 100 دۆلار ئەمریکی تۆمارکردن، دویکە یەکشەممە 164500 دینار توومارکریا.
پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەگان لە بەغداد داوەزی ک نرخ فرووشتن رەسیە 163500 دینار عراقی، ونرخ سەنین رەسیە 152000 دینار وەرانوەر 100دۆلار ئەمریکی.
لە هەولێر پایتەخت هەرێم کوردستانیش بەرزەوبوین وە خوەی دی، نرخ فروشتن رەسیە 164500 دینار عراقی و نرخ سەنین رەسیە 164475 دینار عراقی لە وەرانوەر 100 دۆڵار ئەمریکی.
