داوەزین نرخ دۆڵار لە بەغدا و بەرزەوبوینی لە هەولێر
2023-06-13T08:05:00+00:00
شەفەق نیوز/ نرخ دۆڵار ئەمریکی وەرانوەر وە دینار عراقی ،ئمڕوو سێشەممە، لە بۆرسەی سەرەکی بەغدا داوەزی و لە هەرێم کوردستان بەرزەوبوی.
پەیامنێر ئاژانس شەفەق نیوز وت: بۆڕسەی کیفاح و حارسیەی ناوەندی ئمڕوو، 146500 عراقی وەرانوەر 100 دۆلار ئەمریکی تۆمارکردن، دویکە دووشەممە 146600 دینار توومارکریا.
پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەگان لە بەغداد داوەزی ک نرخ فرووشتن رەسیە 147500 دینار عراقی، ونرخ سەنین رەسیە 145500 دینار وەرانوەر 100دۆلار ئەمریکی.
لە هەولێر پایتەخت هەرێم کوردستانیش بەرزەوبوین وە خوەی دی، نرخ فروشتن رەسیە 146950 دینار عراقی و نرخ سەنین رەسیە 146900 دینار عراقی لە وەرانوەر 100 دۆڵار ئەمریکی.
