داواکردن وەزیر ناوخۆ و وەرگری لە حکومەت عەبدولمەهدی ئەرا لێکۆڵینەوە لە رووداوەیل خۆپیشاندانەگان

شەفەق نیوز/ فایق زەیدان وەرپس دادوەری باڵا، ئمڕوو پەنجشەممە، راگەیان؛ دەزگای لێکۆڵینەوە ئەرا نووڕستن وە باوەتەیل رووداوەگان خۆپیشاندانەگان، داوای وەزیر ناوخۆ ووەرگری لە حکومەت عادل عەبدولمەهدی کرد.
بەیاننامەیگ ئەرا دادوەریەگە رەسیە ئاژانس شەفەق نیوز وت: فایق زەیدان وەرپس دادوەری باڵا، ئمڕوو پەنجشەممە، پێشوازی کرد لە قاسم ئەعڕەجی راوێژکار ئەمن نیشتمانی، وعەبدولغەنی ئەسەدی وەرپرس دەزگای ئەمن نیشتمانی، وفەریق یەکەم عەبدولوەهاب ساعدی وەرپرس دەزگای دژەتیرۆر.
ودیاریکرد ک گردەوبویەگان باس ریکارە دادوەریەگان کردن لەباوەت رووداوەیل شەهیدبوین وزەخمداری خۆپیشاندەرەگان وئەندامەیل هێزە ئمنیەگان.
زەیدان دیاریکرد ک دەزگایل لێکۆڵینەوەی تایبەت وەوباوەتەیلە ژمارەیگ یادداشت دەرکردن دژوە ژمارەیگ لە ئەندامەیل وەزارەت وەرگری وناوخۆ، بەڵکم وەگورەی یاسای خەوەرداین سەربازی ویاسای خەوەرداین هێزەیل ئەمن ناوخۆیی، بایەسە مووڵەت فەرماندەی گشتی هێزە چەکدارەگان ووەزیر ناوخۆ بوود ئەرا جیوەجیکردن ئەو یادداشتەیلە.
وتیش؛ ژمارەیگ هەس لە گریاگەیل لە ئەفسەرەگان لەوەر لێکۆڵینەوە لەو باوەتەیلە، وکەسەیلیگ تر فەرمان لە دادوەرە پەیوەندیدارەگان وەدژیان دەرچگە، ئیسە هانە لێکۆڵینەوە لەلایەن دادگای جیوازکردن.