خوەیکوشتن دویەتیگ و کوشیان و زەخمداری ٨ کەس وە رویداوەیلیگ جیاجیا لە زیقار و بەغداد

سەرچەوەیگ لە زیقار ئەرا ئاژانس شەفەق نیوز وت: دویەتیگ لە تەمەن ١٥ ساڵان وە لەچک سەر لەناو ماڵەگەی لە قەزای رفاعی خوەی کوشت، و دیاری کرد کە باونی وتنە کیچەڵ دەروینی دیرێد.

سەرچەوەگە وتیش: رویداویگ هاتوچو کەفتە ناوەین ٣ ماشین لە رویداویگ هاتوچو دڵتەزن لەبان ری گشتی لە ئاوای ئال مبادر لە قەزای سەید دخیل، کە بویە هوکار کوشیان کەسیگ و زەخمداری ٤ کەس ترەک، وتیش؛ هیزەیل ئەمنی تەرمەگە ئەرا پزشک دادوەری بردن، و زەخمدارەیل ئەرا خەسەخانە، و لێکدانەوە لە رویداوەگە واز کردن.

هەرلیوا، سەرچەوەیگ ئەمنی لە بەغداد پایتەخت، وت: وەردەوەردەیگ خیزانی رەسیە وەکارهاوردن دەوانچە لە ناوچەی بەنی زەید لە قەزای تارمیە، بویە هوکار زەخمداری ٣ کەس، ئەرا خەسەخانە بریان، و خریانە ژیر چەو پولیس.