خوەیکوشتن دوو کەس و زەخمداریبوین 7 کەس وە رویداوەیل جياجيا لە دیالە
سەرچەوەگە وە ئاژانس شەفەق نیوز خەوەردا، "ئەندامیگ پۆلیس پاسەوان پاسەیل (FBS) خویکوشتیە لەناو ماڵەگەی لە (کویچەی بەیادر) لە دەوروگەرد قەزای خاڵس باکوور خوەرهەڵات بەعقوبە".
سەرچەوەگە وتیش "هووکار خوەیکوشتنەگە دیار نییە دەسڵاتدارەیل ئەمنی لێکۆڵینەوە لە رویداوەگە وازکردنە".
لە رویداویگتر لە قەزای خاڵس وەپای هەمان سەرچەوە، گەنجیگ خوەیکوشتیە کە کوڕ پۆلیسیگە وەهەمان شیوە لەناو ماڵ خوەیان هووکار رویداوەگە نائاشکەراس، وتیش، "هێزەیل ئەمنی لە شوین رویداوەگە ئامادەبوینە و لێکۆڵینەوە وازکردنە تەرمەگە ئەرا پزیشک دادوەری بردنە".
هەمیش لە دیالە، سەرچەوەیگ ئەمنی وە ئاژانس شەفەق نیوز خەوەردا لە زەخمداربوین 7 کەس و رویداو هاتوچو لە دەوروگەرد قەزای خانەقین.
سەرچەوەگە وت، "6 مەدەنی تویش زەخمداری جیاواز هاتنە وە پلیان پاس بویچگیگ لەبان ری خانەقین ـ کەلار".
وتیش، "زەخمدارەیلە ئەرا خەسخانەی خانەقین کلکریانە دەسڵاتدارەیل هاتوچو لێکۆڵینەوە لە رویداوەگە وازکردنە".
