حەشد خوەی لە بمبارانەگەی هەولێر دویرەو خەێد

شەفەق نیوز/ حەشد شەعبی، ئمڕوو چوارشەممە، خوەی لە بمبارانەگەی شار هەولێر دویرەو خست، و نوقڵانە وە دادکردن پارت دیموکرات کوردستان دا.

محمد بەسری سەرکردە لە حەشد شەعبی، ئەرا ئاژانس شەفەق نیوز وت: بمبارانەگە لەلایەن (ئەولیا دەم) وەخاوەن کریا، و خوەی نەناسریاگە و نییە ژیر ناونشان حەشد شەعبی.

وەرجەیە، محمود محمد قسەکەر وەناو پارت دیموکرات کوردستان، دوێەکە سێشەممە، توومەتبار باڵیگ کرد (ناوی نەهاورد) لە ژیر ناونشان حەشد شەعبی کار کەێد، ک دەسی هاناو بمبارانەگەی هەولێر.

بەسری وت: ئی توومەتە راس نییە، و دیاری کرد ک لێکۆڵینەوەگە تا ئیسە تەواو نەویە، و هیچ ئەنجامەیلیک دەربارەی ئەو لایەنە ک مووشەکەگان وەشانگە دیار نییە.

و ئاماژە کرد ک دەزگای حەشد شەعبی ماف وەڵامدان دادوەری دیرێد لەبان هەرکە وەبی بەڵکە توومەتباری بکەێد.