تەقینەوەیل سەختیگ ئەمارەیل چەک باڵیگ شیعە لەرزنێد

شەفەق نیوز/ سەرچەوەیگ لە وەرگری شارستانی، ئمڕوو دووشەممە، خەوەردا لە تەقینەوەیل سەختیگ لەناو ئەمارەیل زەخیرە لە دەورگرد شار نەجەف.

سەرچەوەگە ئەرا ئاژانس شەفەق نیوز وت: تیمەیل وەرگری شارستانی رەسینە شوین ئاگر تەقینەوەی ئەمار زەخیرە و عەتادیگ لە دەورگرد شار نەجەف.

وتیش: هیمان تەقینەوەیلە وەردەوامن وەگەرد رەسین زوان ئاگرکە وەرەو عەتاد جەنگی لە ئەمارەیل، وتیش؛ تیمەیل وەرگری شارستانی تەقەلای کەن بڕەسنە ئەو ئاگرە تا کپیەو بکەن.

سەرچەوەگە وتیش؛  کەتایب ئیمام عەلی ک هالە ناو دەزگای حەشد شەعبی خاوەن ئەو ئەمارەیلەسە

 هووکارەیل ئەو ئاگر و تەقیەنەوە وەکوتپڕ ئاشکرا نەویە.