تەقینەوەیگ لەبان کاروانیگ پاڵپشتی هاوپەیمان ناودەوڵەتی و لایەنیگ چەکدار خوەی کەێدە خاوەنی
2022-07-31T09:56:10+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە ئامانجکردن کاروانیگ پاڵپشتی لۆجستیکی سەروە هاوپەیمان ناودەوڵەتی لە پارێزگای سەڵاحەدین.
سەرچەوەگە ئەرا ئاژانس شەفەق نیوز وت: بومبیگ دانریاگ تەقیە بان کاروانیگ پاڵپشتی لۆجستیکی سەروە هاوپەیمان ناودەوڵەتی مەوقەی رەدبوینی لەناو پارێزگای سەڵاحەدین، وەبی زەخمداری.
هەرلیوا، فەسیلیگ وەناو "لواء ثأر المهندس" خوەی کردە خاوەن ئەو پەلامارە. فەسیلەگە لە بەیاننامیگ وت: مەجاهدەیلی توەنستن کاروانیگ پاڵپشتی لۆجستیکی داگیرکەر ئەمریکی لە پارێزگای سەڵاحەدین/ سپایکەر لە ساعەت ١٠ی شەوەکی لە رووژ ٣١ تەمووز ٢٠٢١ بکەنە ئامانج ک کاروانەگە سزان.
