توومارکردن 10 بیمار نوو کولێرا لە هەرێم کوردستان
2023-09-15T12:59:55+00:00
شەفەق نیوز/ فەرمانگەی تەندروسی قەزای کۆیە سەر وە پارێزگای هەولێر، ئمڕوو جومعە، راگەیان 10 تویشهاتن وە بیماری کولێرا توومارکردنە، لە بەیاننامەیگ راگەیان مەزەنەکریەێد شمارەگە بەرزترەو بوود.
باوجی لەبان هووکار تویشهاتن ئەو کەسەیلە تەندروسی قەزاگە هویچ زانیاریگ نەیایە و تەنیا دیاری شمارەی بیمارەیل کردیە.
وەزیر تەندروسی هەرێم کوردستان، دویەکە پەنجشەممە، راگەیان شمارەی تویشهاتن و بیماری کولێرا لە پارێزگای سلێمانی رەسیە ئەرا 130 تویشهاتن.
بەرزنجی لە بەیانیگ رووژانمەوانی راگەیان، شمارەی تویشهاتنەیل وە کولێرا کە دیاریکریاگە رەسیە ئەرا 130 حالەت، باوجی ئی شمارە دیاری رێژە راستەقینەگە نیەکەد چوینکە تەنیا 20٪ وشکین ئەرا نمونەی زگچینەیلە کریانە مەزەنەکریەد بیمارەیلیگ توومارنەکریاگ بوون.
