توومارکردن زەویلەرزەیگ وە هاز 3.5 پلە لە باکوور خوەرئاوای نەینەوا
شەفەق نیوز - نەینەوا
روانگەیل زەویلەرزە، شەوەکی ئمڕوو یەکشەممە، زەویلەرزەیگ وە هاز 3.5 پلە لە پارێزگای نەینەوا، باکوور عراق توومار کردن.
وەپای راپۆرت دەرچگ لە بەش چاودێری زەویلەرزە لە دەستەی گشتی کەشناسی و چاودێری زەویلەرزە، زەویلەرزەگە لە ساعەت 07:29:30 شەوەکی روویداگە، و قووڵاییەگەی رەسیەسە 8 کیلۆمەتر، لە وەختیگ شوینەگەی لە دویری نزیکەی 22 کیلۆمەتر لە باکوور خوەرئاوای پارێزگای نەینەوا لە عراق دیاری کریاگە.
راپۆرتەگە دیاری کرد کە پۆتانەیل زەویلەرزەگە رەسینەسە 36.8900 پلە لە باکوور و 42.3200 پلە لە خوەرھەڵات.
بەش چەودێری زەویلەرزە دووپات کرد، هەسکردن وە زەویلەرزەگە لەلایەن هاوڵاتیەیل نیشتەجی نزیک لەلیەو نەچەسپیاگە، و داوا لە هاوڵاتیەیل کرد لە ڕێ لایەنە فەرمییەیلەو وەدویاچگن ئەرا نووترین زانیارییەیل بکەن و لە خەوەرە دروکانی دویرەو بکەفن و پابەن بوون وە رێنماییەیل زەویلەرزە.