ته‌قينه‌وه‌ى نارنجه‌كيگ ده‌سى له باكوور به‌غدا ئه‌ندامه‌يل خيزانيگ زه‌خمدار كرد
2020-05-24T10:40:41+00:00
شه‌فه‌ق نيوز/ كه‌سه‌يليگ نه‌ناسرياێ نارنجه‌كيگ ده‌سى فڕه دانه ماڵيگ له ناوچه‌ى حسه‌ينيه له باكوور به‌غداى پايته‌خت و كه‌سه‌يليگ له خيزان ئه‌و ماڵه زه‌خمدار كرد، جوور ئه‌وه‌گ سه‌رچه‌وه‌يگ وه‌رپرس ئه‌منى باس له‌لى كرد.
سه‌رچه‌وه‌گه ئاگادار ئاژانس شه‌فه‌ق نيوز كرد، بڕيگ چه‌كدار نارنجه‌كيگ ده‌سى و ده‌سكرد فڕه دانه‌سه ماڵيگ له ناوچه‌ى حسه‌ينيه له باكوور به‌غدا.
سه‌رچه‌وه‌گه وت: له‌ئه‌نجام ته‌قينه‌وه‌ى ئه‌و نارنجه‌كه په‌نج كه‌س له يه‌ك خيزان زه‌خمدار بوينه‌و كه‌سه‌يل چه‌كداريش واينه وه‌ره‌و شوونيگ ناديار.
