تایبەت ئەرا شەفەق نیوز.. ئەفسەریگ عراقی گەورە: هاوپەیمان ناودەوڵەتی دەسکەێدە ریکارەیل کیشانەوەی لە بەغداد
شەفەق نیوز/ ئەفسەریگ عراقی گەورە، ئمڕوو شەممە، ئاشکرا کرد کە هاوپەیمان ناودەوڵەتی دەسکردە ریکارەیل کیشانەوەی لە بەغداد پایتەخت.
ئەو ئەفسەر گەورە ئەرا ئاژانس شەفەق نیوز دیاری کرد کە ئی ریکارەیلە شوینەیلیگ لە ناوچەی خەزرا و ئۆپراسیۆنەیل هاوبەش گرێدەو، ئەوەیش لە رێککەفتنیگ مەزەنە کریەێد لەناوڕاس ساڵ ئایندە تەواو بوود، وەگەرد چگنی ئەرا شوینیگ ترەک لە هەرێم کوردستان.
ئەو ئەفسەرە وتیش: دەرچگن تەوای لە ناوڕاس ساڵ ئایندە ٢٠٢٥ تیەێد، و بڕیارە شوینەیلیگ لە ناوچەی خەزرا و ئۆپراسیۆنەیل هاوبەش چووڵ بکەن.
واشینتۆن و بەغداد رەسینە ڕێککەفتن لەبان پلان کیشانەوەی هیزەیل هاوپەیمان ناودەوڵەتی لە عراق، کە چەوەڕی کریەێد لە ئەیلوول ٢٠٢٥ سەدان لە هیزەیل دەربچن، و ئەوەکان تا کۆتایی ساڵیگ لە پشتی.
ئەو رێککەفتنە چەوەڕی ڕەزامەنی سەرکردایەتی دوو وڵات کەێد و دیاریکردن مەوقەیگ فەرمی ئەرا ئاشکراکردنی لەی مانگە.
ئەمریکا و عراق خوازن پەیوەندی سڵاکاری خاسیگ دروس بکەن، کە هاتێ بەشیگ لە هیزەیل عراق بیمینێدەو.
