بەغداد.. دەسگیرکردن دادوەریگ "درووکانی" لەبان "فيسبوك" مەردم خەڵەتانیە
شەفەق نيوز- بەغداد
دادگای لێکۆڵینەوەی کەرخ یەکەم، ئمڕوو دووشەممە، دەسگیرکردن توومەتباریگ راگەیان کە خوەی کردیەسە دادوەر لەبان سۆشیال میدیا، و وەی شیوە بڕیگ کەس خەڵەتانیە.
ئەنجومەن دادوەری باڵا لە بەیاننامەیگ رەسیە ئاژانس شەفەق نیوز وت: لە بنەمای بڕیاریگ دادوەری لەلایەن دادوەر دادگای لێکۆڵینەوەی کەرخ یەکەم، ئەو توومەتبارە دەسگیر کریا، ئەوەیش دویای سکاڵای ژنیگ لەلای دادگا کە تویش خەڵەتانن هاتگە لەڕی ئەکاونتیگ درووکانی لەبان فەیسبوک خوەی وە دادوەر ناسانیە، و چەن شمارەیگ مۆبایل و کارت ئەلیکترۆنی وەکار هاوردگە ئەرا وەرگردن پویل، دویای خەڵەتانن ژنەگە وە بەڵگەنامەیل درووکانی.
ئەنجومەن دادوەری باڵا داوا لە هاوڵاتیەیل کرد وریا بوون و نەکەفنە شوین دەروین نزمەیل، دووپاتیش کرد کە دادوەرویل سۆشیال میدیا وەکار نیارن، و هەر قسەیگ بیجگە ئەوە خوەی تەقەلای خەڵەتاننە بایەسە وریا لەلی بوین و ئاگاداری توومار بکەین.
