بەغداد.. خوەیکوشتن ژنبگ و زەخمداری کەسیگ مەدەنی

شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا لە تۆمارکردن خوەیکوشتن ژنیگ م لە بان بینایگ لە ناوڕاس بەغداد پایتەخت خوەی خستە خوار

سەرچەوەگە ئەرا ئاژانس شەفەق نیوز وت: ژنیگ لە قات سێیەم لە بان شوقەگەی خوەی خستە خوار لە ناوچەی کەڕادە ناوڕاس بەغداد و خوەی کوشت.

وەگورەی سەرچەوەگە، هووکار خوەیکوشتن ژنەگە لەوەر گرفتەیلیگ وەگەرد شویەگەی بویە.

سەرچەوەگە هەمیش باس زەخمداری کابرایگ مەدەنی کرد لەوەر مرافەی چەن کەسیگ و رەسیە وەکارهاوردن دەوانچە لە ناوچەی حەی تارق لە شار سەدر بەغداد.