بەسانن ناودیارترین چێشتخانەی بەسرە وە مدوو پابەندنەوین وەرێنمایەیل تەندروسی (وینە)

شەفەق نیوز/ فەرمانگەی تەندروسی بەسرە، ئمڕوو سێشەممە،  بەسانن شمارەیگ چێشتخانە راگەیان، وە مدوو سەرپیچیکردن رێنمایەیل تەندروسی.

فەرمانگەگە وە ئاژانس شەفەق نیوز راگەیان، "تیمەیل چەودێری  لەماوەی چەن رووژ وارین هەڵمەتەیلیگ مەیدانیانە فراۆانیگ ئەنجامدان لە ناوچە جیاوازەیل پارێزگاگە، لە دیارترینی جەزائر، تەحسینیە، مەتیحە، کویچەی خەلیج، دور زەبات، قەزای ئەبی خەسیب، لەژیر چەودێری راستەوخوەی وەڕوەبەر گشتی تەندروسی".

وتیش، "لە هەڵمەتەگە 12 دوکان سەرپیچیکەر لە ناوچەیل جەزائر و تەحسینیە بەسیا وەرد دانان غەرامە ئەرا دوو دووکانن و لەناوبردن زیاتر لە 30کگم گوشت و 40لتر مادەی شلەمەنی نەگونجیاگ ئەرا وەکارهاوردن".

وەبەڕێوەبەرایەتییەگە ئاشکرایکرد، "بەش کۆنتڕۆڵ تەندروسی لە کەرت یەکەم فەرمان بەسان 13 دوکان سەرپێچیکار لە ناوچەی ئەلمەتاحیە جێوەجیکرد، وەرد  لەناوبردن 150 کیلو گوشت ناشایستە، لە کەرت دویەم و سێیەمیش 12 دوکان وە مدوو سەرپێچیکردن مەرجە تەندروستییەیل بەسیان، هەمیش 113 کیلۆگرام خوەراک تێکچی لەناوبریا".

وتیش، " هەڵمەتەگە بەسان 10 ئارایشگای ژنانە گردیەسەو کە سەرپیچی کردنە لە ناوچەی دور زوبات وەرد بەسانن 10  دوکان لە قەزای ئەبی خەسیب وەرد ئاگادارکردنە  لە کەمتەرخەمی  جیوەجیکردن ڕێنماییە تەندروستییەگان.