بەرزەوبوین نرخ دۆلار لە بەغدا و جیگیربوینی لە هەولێر
2023-04-30T07:53:29+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت بەرزەوبوی و هەرێم کوردستان جیگیربوی.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 141400 دینار عراقی وەرانوەر 100 دۆلار ئەمریکی، دویکە شەممە 141200 توومار کریا.
پەیامنێرمان وتیش؛ نرخ فرووشتن و سەنین لە دوکانەیل بەغداد جیگیرە، ک نرخ فرووشتن رەسیە 142500 دینار عراقی وەرانوەر 100 دۆلار ئەمریکی، و نرخ سەنینی رەسیە 140500 دینار. لەهەولێر پایتەخت هەرێم کوردستانیش نرخ دۆلار جیگیربوین وە خوەی دی ، ک نرخ فروشتن رەسیە 141650 عراقی وەراوەر 100 دۆڵار ئەمریکی، و نرخ سەنینی 141350 عراقی وەراوەر 100 دۆلار ئەمریکی.
