بەرزەوبوین فرووشەیل بانک ناوەندی عراق وەڕیژەی ٩٧٪

شەفەق نیوز/ فرووش هەواڵە دەرەکییەیل لە زیایکردن ئاشکرای بانک ناوەندی، ئمڕوو چوارشەممە، وەڕیژەی ٩٧% زیایکردگە و رەسیە زیاتر لە ٢٤٦ ملیۆن دۆلار.

 پەیامنێر ئاژانس شەفەق نیوز وت: ئمڕوو بانک ناوەندی لە زیادکردنەگەی بڕ ٢٥٣ ملیۆن و ٤٩٧ هەزار و ٥٤٥ دۆلار فرووشت، کە وە نرخ بنەڕەتی ١٣١٠ دینار ئەرا هەر دۆلاریگ ئەرا کرێدیت دۆکیۆمێنتاری و یەکلاییکردن ناودەوڵەتی ئەرا کارت ئەلیکترۆنی پووشیە، وە نرخ ١٣١٠ دینار ئەرا هەر دۆلاریگ ئەرا هەواڵەی دەرەکی، و وە نرخ 1305 دینار ئەرا هەر دۆلاریگ وە شیوەی کاش.

وتیش: فرەی فرووش دۆلار ئەرا قایمکردن باڵانسەیل دەیشت وڵات بویە وەشیوەی هەواڵە و قەرز، کە بڕی 246 ملیۆن و 97 هەزار و 545 دۆلار بویە، کە وەڕیژەی 97% زیادیکردگە وەچەو فرووش نەختینەیی 7 ملیۆن و 400 هەزار دۆلار.

 پەیامنێرمان وتیش: شمارەی ئەو بانکەیلە کە دۆلار کاش سەننە یەک بانک بوی، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە ١١ بانک، و بڕ گشتی کۆمپانیایل ئاڵوگۆڕ و دەڵاڵی کە بەشداری  لە زیادکردنەگە کردنە ١٠ کۆمپانیا بویە.