بەرزەوبوین خام بەسرە وەگەرد دەسکەفت نوویگ نەفت جام جەهانی

شەفەق نیوز ـ بەغدا

نرخ خام بەسرە وە هەردووگ جویر قورس و ناوڕاس، ئمڕوو سێشەممە، بەرزەوبوی وەگەرد بەرزەوبوین نەفت لە بازاڕەیل جەهانی.

خام قورس بەسرە 59 سەنت بەرزەوبوی وە رێژەی  0.93%‎‎ رەسیە 63.80 دۆلار، و نرخ خام ناوڕاسیش 59 سەنت وە رێژەی  0.91 % ‎بەرزەوبوی رەسیە 65.35 دۆلار.

نرخ نەفت بەرزەوبوی  چوینکە بەرهەمهاوردن ئۆپک + لە نۆڤەمبەر کەمتر لە مەزەنەیل بوی، دەسمیەتیدەربوی  لە کەمکردن رخداری بان دابینکردن.