بەرزەوبوین ئامار تاسیان وە مدوو دزەکرد غاز لە خوەرهەڵات بەغداد رەسیە نزیکەی 30 کەس
2025-07-10T09:52:51+00:00
شەفەق نیوز ـ بەغداد
سەرچەوەیگ لە فەرمانگەی تەندروسی بەغداد/ رەسافە، ئمڕوو پەنجشەممە، خەوەردا شمارەی ئەو کەسەیلە وە دزەکردن غاز تاسیانە بەرزەوبویە رەسیە نزیکەی 30 کەس فرەیگان مناڵن.
سەرچەوەگە ئەرا ئاژانس شەفەق نیوز ئاشکرایکرد "دویەشەو چوارشەممە، تەقیان قنینەی غاز "کلۆر" لەناو کارخانەی "غاز السعادە" تایبەت لەناوچەی حسێنیە مەعامل رویدا لەئەنجامی غاز دزەکرد".
وتیش، دزەکردنەگە بویە مدوو خنکیان هاوڵاتیەل ناو ماڵەیل دەوروگەرد و هەمیش دویر لە کارخانەگە، دیاریکرد پسای خنکای رەسیە 27 حالەت بەشەوبوی وەبان:12 مناڵ ، 6 ژن و 9 پیای.
دویەشەو چوارشەممە، سەرچەوەیگ ئەمنی لە بەغداد خەوەردا نزیکەی 20 کەس خنکیانە وە هوکار "بوون ناشناسیگ" لە یەکیگ ناوچەیل خوەرهەڵات بەغداد.
