به‌ڵگه.. وه‌زاره‌ت خارجيه هاوردنه‌وه‌ى عراقيه‌يل گيرخواردگ له ده‌يشت وڵات وسان
شه‌فه‌ق نيو/ وه‌زاره‌ت خارجيه‌ى عراقى، بڕياردا كلكردن ته‌ياره‌يل ئه‌را هاوردنه‌وه‌ى ئه‌و هاووڵاتيه‌يل عراقيه بووسنێد ك له‌ده‌يشت وڵاته‌گه گيرخواردنه، ئه‌ويش له به‌ڵگه‌يگ ك روينويسيگى ره‌سيه شه‌فه‌ق نيوز.
له‌و به‌ڵگه هاتگه: ئاماژه وه كتاو شماره‌ى 9467 ئه‌منيدارێتى گشتى ئه‌نجومه‌ن وه‌زيره‌يل كردگه له 30/4/2020 و يه‌كگرتنه‌وه وه‌ل كتاو شماره 1651 له 28/4/2020 و وه‌گووره‌ى ئه‌و بڕياره‌يله ك ليژنه‌ى دامه‌زرياێ ئه‌را هاوردنه‌وه‌ى عراقيه‌يل گيرخواردگ له ده‌يشت وڵات ده‌ريكردگه و له‌تى ئى بڕياره‌يله دريا:
1- وسانن له كلكردن ته‌ياره‌يل ئه‌را هاودنه‌وه‌ى هاووڵاتيه‌يل گيرخواردگ تا وه‌ختيگ شوونه‌يل گونجياى ئاماده ئه‌كريه‌ن ئه‌را كه‌ره‌نتينه‌ى ته‌ندروستى.
2- گشت ئه‌و عراقيه‌يله ك ئه‌يه‌نه‌و ئه‌را وڵات ئه‌را ماوه‌ى 14 رووژ كه‌ره‌نتينه ئه‌كريه‌ێد.
3- پيشوازى نه‌كردن له داواكاريه‌يل گله‌وخواردن دوياى ئى ريككه‌فته، ئه‌ويش له‌وه‌ر ئه‌وه‌گ زويتر ئه‌و هاووڵاتيه‌يله خوه‌يان داواى گله‌وخواردن كردنه، ك ئيسه تێبينى ئه‌وه ئه‌كريه‌ێد وه‌بى هويچ هووده‌يگ داواكارى زياى كردگه له‌بان هاتنه‌وه.
4- جه‌ختكردن له‌بان تۆمارنه‌كردن ئه‌و هاوولاتيه‌يله ك ئيقامه ديرن له مه‌يدان كار نێرده‌يل يا ره‌گه‌زنامه‌ى وڵات ديرن و جوور گيرخواردگ ناوبريه‌ن و قاپى ئه‌رايان وازه گله‌و بخوه‌ن دوياى خاسه‌وبوين بارودوه و هاتنه‌وه‌ى ژيان ئاسايى.
5- سه‌رۆك نێرده وه‌رپرسه له‌بان جه‌ختكردن له ناو هاووڵاتيه‌يل گله‌وخواردگ له‌وانه‌گ مه‌رج گله‌وخواردن گورجيگ له‌بانيان جێوه‌جێ ئه‌دێ.
6- نێرده‌گه وه‌رپرسه له‌بان ناو ئه‌وانه‌گ گيرخواردنه و تكت گه‌شتكردن ئه‌رايان بڕيارگه و بايه‌سه ئاگادار هێڵه‌يل ئاسمانى عراقى يا بريكاره‌يليان بكا له زياى نه‌كردن سه‌رنشينه‌يل تر.
7- رێ وه هێڵه‌يل ئاسمانى قه‌ته‌رى و ئيماراتى ئه‌دريه‌ێد له‌ى باوه‌ته‌وه‌و ده‌رفه‌تيگ ئه‌دێ ئه‌را ئه‌وانه‌گ مه‌يل گله‌وخواردن ديرن ئه‌را عراق(له ماوه‌ى هه‌فته‌ى دويه‌م و سێيه‌م له‌ى مانگه).
8- بايه‌سه له‌بان نێرده‌گه پابه‌ند بدێ وه ده‌سه‌وه‌ركردن تكت گه‌شت ئه‌را هاوردنه‌وه‌ى ئه‌وانه‌گ هه‌واڵه‌ى خانه‌نشينى كريانه له يه‌كه‌م گه‌شت ئه‌را هاوردنه‌وه‌يان ئه‌را عراق.
