به‌غدا ته‌كان ئه‌ياده "دژه تيرۆر" وه‌ره‌و دياله
شه‌فه‌ق نيوز/ ناهيده داينى ئه‌ندام ئه‌نجومه‌ن نوێنه‌ره‌يل له‌بان پاريزگاى دياله، ئاشكراى ئه‌وه كرد وه‌ى نزيكه‌يله هيزه‌يل دژه تيرۆر ره‌سنه پاريزگاگه له‌وه‌ر گرتنه‌ده‌س ده‌روازه‌يل مه‌رزێ، بيجگه دو فه‌وج سه‌ربازى ئه‌را پته‌وكردن ئاسايش.
داينى ئه‌را ئاژانس شه‌فه‌ق نيوز وت: وه‌زير ناوخوه‌يى وه‌گووره‌ى بڕيار سه‌رۆك وه‌زيره‌يل فه‌رمان كلكردم هيزه‌يل دژه تيرۆر دا ئه‌را گرتنه‌ده‌س ده‌روازه‌يل مه‌رزێ له دياله‌و داناين مه‌رزيگ ئه‌را نواگيرى له وه‌تاڵانبردن داهاته‌يل ئه‌را ماوه‌ى ساڵه‌يل فريه‌يگه.
داينى هه‌ميش وت: وه‌زيرى وه‌رگرييش فه‌رمان كلكردن دو فه‌وج له سوپا داگه ئه‌را ناوچه‌يل باكوور جه‌له‌ولا و ناوچه‌يل حه‌وز ندا له ده‌ورگرد قه‌زاى به‌له‌دروز له‌وه‌ر چاره‌سه‌ر كيشه‌يل خراو ئه‌منى و كووتاييهاوردن وه مه‌ترسى چه‌ته‌يل داعش ك هه‌ڕه‌شه له ئاوايى و ناوچه‌يل مه‌ردمى و كشتوكاڵى ئه‌كه‌ن.
جى باسه، دياله دو ده‌روازه‌ى مه‌رزێ وه‌ل ئيران گرته‌سه خوه‌ى، يه‌كه‌ميان مونزه‌ريه له ده‌ورگردخانه‌قين و دويه‌ميش ده‌روازه‌ى سۆمار له مه‌رزه‌يل مه‌نه‌لى.
