به‌سره قه‌يه‌غه‌ى هاتوچوو تونتره‌و كرد و دو قه‌زا وه‌ته‌واوى داخست
2020-04-22T09:31:10+00:00
شه‌فه‌ق نيوز/ پۆليس به‌سره باس له‌وه كرد رێ وشوونه‌يل قه‌يه‌غه‌ى هاتوچوو له پاريزگاگه تونتره‌و ئه‌كا له‌وه‌ر رێگرى له بڵاوبوينه‌وه‌ى ڤايرۆس كۆرۆناو باس له‌وه‌يش كرد دو قه‌زا وه ته‌واوى داخستگه له ئه‌نجام تۆماركردن حاڵه‌ته‌يل تويشبوين فريه‌يگ وه ڤايرۆسه‌گه.
له‌ى باوه‌ته‌و، فه‌ريق روكن ره‌شيد فله‌يح فه‌رمانده‌ى پۆليس به‌سره له لێدوانيگ تايبه‌ت ئه‌را شه‌فه‌ق نيوز وت: ده‌زگايه‌يل ئه‌منى رێ وشوونه‌يل قه‌يه‌غه‌ى هاتوچوو تونتره‌و ئه‌كه‌ن له‌وه‌ر ريگرى له بڵاوبوينه‌وه‌ى په‌تاى كۆرۆنا له مانگ ره‌مه‌زان پيرووز.
جى باسه، فله‌يح باس له‌وه‌يش كرد سوو په‌نجشه‌ممه رينمايه‌يل تازه‌يگ له‌باره‌ى قه‌يه‌غه‌ى هاتوچوو ده‌رئه‌كريه‌ێد و قه‌يه‌غه‌ى گشتگيريش وه‌رده‌وام ئه‌دێ تا وه‌ختيگ وه‌ته‌واوى په‌تاگه كۆنترۆڵ ئه‌كريه‌ێد.
