بانک ناوەندی عراق وە ماوەی یەک مانگ نزیکەی ٦ ملیار دۆلار فرووشێد

 پەیامنێر ئاژانسی شەفەق نیوز وت: لە ماوەی مانگ تەمموز، بانک ناوەندی ٥ ملیار و ٧٤٦ ملیۆن و ٩٨ هەزار و ٥٤ دۆلار وە ریژەی رووژانەی ٢٧٣ ملیۆن و ٦٢٣ هەزار و ٧١٦ دۆلار لە مانگ تەمموز فرووشتگە، لەو رووژەیلە کە زیایکردن ئاشکرا لەناویان واز کردگە.

 پەیامنێرمان وتیش: فرووش هەواڵەی دەرەکی لە ماوەی مانگ گوزەشتە 5 ملیار و 428 ملیۆن و 395 هەزار و 754 دۆلار بویە، کە وەچەو فرووش کاش وەریژەی 94% زیای کردگە کە بڕی 317 ملیۆن و 23 هەزار دۆلار بویە.

 پەیامنێرمان وتیش: ئی فرووشەیلە لەناوەین هەواڵە ئەرا دەیشت وڵات  ئەرا دابینکردن دارایی بازرگانی دەرەکی بەشەو کریاس، و لە ناوەین فرووشتن کاش ئەرا بانکەیل، و نرخ فرووشتن بڕ کرێدیت دۆکیۆمێنتاری و یەکلاییکردن ناودەوڵەتی ئەرا کارت ئەلیکترۆنی رەسیەسە هەزار و ٣١٠ دینار ئەرا هەر دۆلاریگ، و نرخ فرووشتن ئەرا هەواڵەکردن دەیشت وڵات و نرخ فرووشتن کاش رەسیە 1305 دینار ئەرا هەر دۆلاریگ.