بانک ناوەندی عراق وە یەک رووژ 266 ملیۆن دۆلار فرووشێد
شەفەق نیوز/ ئمڕوو دووشەممە، فرووش بانک ناوەندی عراق وە دۆلار ئەمریکی زیاتر لە ٢٦٦ ملیۆن دۆلار بویە لە زیابکردن ئاشکرا.
پەیامنێر ئاژانس شەفەق نیوز وت: ئمڕوو بانک ناوەندی لە زیادکردنەگەی بڕ ٢٦٦ ملیۆن و ٥١٤ هەزار و ٧٢٩ دۆلار فرووشتیە، کە وە نرخ بنەڕەتی یەک هەزار و ٣١٠ دینار ئەرا هەر دۆلاریگ ئەرا کرێدیت دۆکیۆمێنتاری و یەکلاییکردن ناودەوڵەتی ئەرا کارت ئەلیکترۆنی چگە، و وە نرخی 1310 دینار ئەرا هەر دۆلاریگ ئەرا هەواڵەی دەرەکی، و وە نرخ 1,305 دینار ئەرا هەر دۆلاریگ وە کاش.
وتیش: فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە و کرێدت چگە، کە بڕی 255 ملیۆن و 764 هەزار و 729 دۆلار بویە، کە وەڕیژەی 96% زیادیکردگە وەرانەور فرووشتن نەختینەیی کە بڕی 10 ملیۆن و 750 هەزار دۆلار بویە.
پەیامنێرمان وتیش: ئەو بانکەیلە کە دۆلار کاش سەننە یەک بانک بوی، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە ١٤ بانک، بڕ گشتی کۆمپانیایل ئاڵوگۆڕ و دەڵاڵی کە بەشداری لە زیادکردنەگە کردنە رەسیە ١٢ کۆمپانیا.
