بانک ناوەندی عراق لە ماوەی هەفتەیگ فرووشتن زیاتر لە یەک ملیار دۆلار توومار کەێد

 پەیامنێر ئاژانسی شەفەق نیوز وت: بانک ناوەندی لەی ماوە بڕ یەک ملیار و ١١٣ ملیۆن و ٨٢٠ هەزار و ١٠٧ دۆلاری فرووشتگە، وەریژەی رووژانە ٢٧٨ ملیۆن و ٤٥٥ هەزار و ٢٦ دۆلار. 

 وەگەرد ئەوەیش، فرووش بانکەگە وەچەو هەفتەی گوزەشتە کەمتر بویە و بڕی یەک ملیار و ١٣٥ ملیۆن و ٦٣٥ هەزار و ٢٧٤ دۆلار بویە.

 بەرزترین فرووش دۆلار لە رووژ سێشەممە بویە، کە بڕی ٢٨٢ ملیۆن و ٧٩٠ هەزار و ١٥١ دۆلار بویە، رووژ پەنجشەممەیش کەمترین فرووشی توومار کرد کە ٢٧٤ ملیۆن و ٩٥٧ هەزار و ٤٩٢ دۆلار بویە.

 فرووش هەواڵە دەرەکییەیل لە ماوەی هەفتەی گوزەشتە یەک ملیار و ٧٩ ملیۆن و ٩٧٠ هەزار و ١٠٧ دۆلار بویە، وەچەو فرووش کاش کە ٣٣ ملیۆن و ٨٥٠ هەزار دۆلار بویە، وەریژەی ٩٧% زیای کردگە.