بانک ناوەندی عراق فەرمان وە بانکەیل دەێد پەکخستن دەوامیان نییە مەگەر وە بڕیار حکومەت فیدراڵی
شەفەق نيوز/ بانک ناوەندی عراق، فەرمان دادە بانک و دامودەزگایل دارایی، وە پەکنەخستن دەوام بانکەیل مەگەر وە بڕیاریگ لە حکومەت فیدراڵی، و نەک پشوو وەلایەن حکومەتەیل ناوخوەیی.
لە بەڵگەنامەیگ وە واژوو عەمار حەمەد خەلەف پارێزگای بانک ناوەندی وە وەکالەت کە رەسیە ئاژانس شەفەق نیوز ئەرا بانکەیل و گشت دامەزراوەیل دارایی کلکریاس، کە ئویشێد: لە بنەمای بڕیار ئەنجومەن ئیدارە شمارەی (105) ئەرا ساڵ 2025، بڕیار پابەندبوین ئیوە (ئیدارەی گشتی و لقەیل) دریا وە تەنیا ئەو پشووەیل فەرمیە کە حکومەت فیدراڵی دیارییان کەێد، ئەرا دڵنیابوین لە وەڕیکەفتن خزمەتەیل بانکی و دارایی ئەرا هاوڵاتیەیل، و لەوەر سروشت پەیوەندی کار دامەزراوەیل دارایی وەکار ئی بانکەو.
وەی بڕیارە، بایەسە گشت بانکەیل و دامەزراوەیل دارایی پابەند وە دەوام فەرمی بوون، ئەگەر حکومەتەیل ناوخوەیی لە بەغداد و ئەو پارێزگایەیل پشوو کردن.
