بارزانی و سودانی دووپات لە هاوکاری ئەرا مقەیەتیکردن سەروەری عراق کەن
شەفەق نیوز/ نویسینگەی راگەیانن محمد شياع سودانی سەرۆک وەزیرەیل، راگەیان؛ شەوەکی ئمڕوو سێشەممە، سودانی پیشوازی نێچیروان بارزانی سەرۆک هەرێم کوردستان و شاند یاوەری کرد.
بەیاننامەگە وت: سەرۆک ئەنجومەن وەزیرەیل لە سەرەتای دیدارەگە باس پەسەنکردن گرنگی یەک هەڵوێستی لە ئاست نیشتمانی کرد، و گرنگی یەکگردن و هەماهەنگی ئەرا نواگردن سەختیەیل ئابووری و ژیان گوزەرانی و خزمەتگوزاری، ک ئەرک دابینکردن ژیانی سەروەری ئەرا گشت هاووڵاتیەیل لە گشت عراق خوازێدەی.
دووپات لە پابەندی حکومەت فیدراڵی وە دەستوور عراق کرد ئەرا چارەسەرکردن باوەتەیل گیرهاتگ وەرد حکومەت هەرێم کوردستان عراق، وەو شیوە ک ماف گشت پیکاتەیل مسۆگەر بکەێد.
لەلای خوەییش، نێچیروان بارزانی پیرووزبایی لە سودانی کرد وەبوونەی متمانە وەرگردن حکومەتەگەی، و باس گەشبینیی وە توانای حکومەت نوو ئەرا رەسانن وڵاتەگە وەرەو قۆناغیگ جیاواز کرد، ک زوان لەیەکڕەسەونە و چارەسەری لەناوی باو بوود.
دیدارەگە هەمیش باسکردن لە باوەتەیل ئاسایش لە ناوچەیل سنووری عراق لەناوی کریا، ک دوپات لە هاوکاری ئەرا مقەیەتیکردن سەروەری عراق کردیا و رەتکردن پەلامارەیل دوواروبوی، و کارکردن ئەرا نواگیری وەکارهاوردن زەویەیل عراق ئەرا پەلامارداین هەر دەوڵەتیگ لە دەوڵەتەیل هاوسا. شەوەکی ئمڕوو، سەرۆکایەتی هەرێم کوردستان راگەیان؛ ئەوەسا نێچیروان بارزانی سەرۆک هەرێم کوردستان سەردان بەغداد کەێد.
