ئاگر فرەیگ کارخانەی گەورەیگ ئەرا بەرهەمکردن ئاڵەت لەبان ری کەرکوک - هەولێر سزنێد (ڤیدیۆ)
شەفەق نيوز – كەركوك
سەرچەوەیگ لە وەڕیەوبەرایەتی وەرگری شارستانی لە پارێزگای کەرکوک، ئمڕوو جمعە، خەوەردا لە هیزگردن ئاگر گەپیگ لەناو کارخانەی گەورەیگ ئەرا بەرهەمکردن و قوتینەری ئاڵەت لەبان ری کەرکوک و هەولێر.
سەرچەوەگە ئەرا ئاژانس شەفەق نیوز وت: ئاگرەگە شەفەق ئمڕوو هیز گرد و وەزوی رەسیە بەشەیل فراوانیگ لەوەر ئەو چشتەیلە کە زوی ئاگر سینن، وتیش دویکەڵ خەسیگ ئاسمان ناوچەگە پووشیە و لە دویرەو دیار بوی.
سەرچەوەگە وتیش: تیمەیل وەرگری شارستانی رەسینە شوین رویداوەگە و بڕیگ ماشین و ئامێر کلکردن و دویای تەقەلای چەن ساعەتیگ ئاگرەگە کپەو کردن.
وتیش: رویداوەگە بویە مدوو زەرەدەیل دارایی گەورەیگ وەبی توومارکردن زەخمداری، دیاری کرد کە تیمەیل پیشەیی دەسکردن وە سەردەوکردن و هەڵگردن گەناڵخە، و لێکۆڵینەوە ئەرا رەسین وە بندروس رویداوەگە واز کریا کە مەزەنە کریەێد شۆرت کارەبایی بوود.
دووپاتیش کرد کە ئەو کارخانە یەکیگە لە گەورەترین کارخانەیل بەرهەمکردن ئاڵەت ناوخوەیی وە بڕەیل گەورەیگ.
